Хабзэ зэрэхъугъэу, апэрэ классым кIорэ кIэлэцIыкIу пстэуми шIэныгъэхэм я Мафэ тефэу еджапIэм къызщыфагъэфедэн алъэкIыщт пкъыгъохэр зыдэлъ Iалъмэкъ гъэкIэрэкIэгъэ цIыкIухэр аратыщтых.

Ахэм творчествэмкIэ къашъхьэпэн алъэкIыщт пкъыгъохэр (къэлэмхэр, краскэхэр, ручкэхэр ыкIи нэмыкI пкъыгъохэр), зэреджэщтхэ тхылъ IэпыIэгъоу «Си Адыгей» зыфиIорэр, гъогум щынэгъончъэу щызекIонхэмкIэ нэфынэм къез­гъэгъэзэжьырэ ныбалъэхэр, джащ фэдэу еджэнымкIэ къызфагъэфедэн алъэкIыщт нэмыкI пкъы­гъохэр адэлъыщтых.

Илъэс къэс зэхащэрэ Iофтхьабзэу «Апэрэ классым кIорэм ишIу­хьафтын» зыфиIорэм тегъэ­псы-хьагъэу нэбгырэ мини 6,4-мэ ате­лъытэгъэ зэхэугъоегъэ пкъыгъохэр къащэфыгъах. Илъэси 5-кIэ узэ­кIэIэбэжьмэ Адыгеим и ЛIышъхьэу КъумпIыл Мурат игукъэкIыкIэ а Iофтхьабзэм къыфагъэзэжьыгъ.

Апэрэ классым кIощтхэм яднев­никхэм янэкIубгъохэм республикэм и ЛIышъхьэ ишIуфэс гущыIэхэм анэмыкIэу Адыгеим фэгъэхьыгъэ къэбархэри арагъотэщтых.

«Апэрэ классым кIорэ пстэуми сафэлъаIо дэгъоу еджэнхэу ыкIи сэгугъэ тишIухьафтынхэр агу ри­хьынхэу. Сицыхьэ телъ шIэныгъэхэм ядунай ахэм зэрашIогъэшIэгъоныщтым ыкIи зэрэзыIэпищэщтхэм», — къыIуагъ КъумпIыл Мурат.

АР-м и ЛIышъхьэ ипресс-къулыкъу