Шэуджэн районымкIэ коронавирусым пэшIуе­кIорэ вакцинэр апэ зы­хязгъэлъхьагъэхэм ащыщ къутырэу Тихоновым щыпсэурэ Адам Дунец.

— Сэ илъэс 82-рэ сыныбжь, джыри сыщыIэнэу, сисабыйхэм ыкIи ахэм къакIэхъухьагъэхэм сащыгушIукIынэу сыфай. Гъэ­тхапэм вакцинациер скIугъэ, нахь рэхьати сыхъугъ. Вакци­нацием иедзыгъуитIу псынкIэу спэкIэкIыгъ ыкIи сипсауныгъэкIэ зи зэщыкъуагъэ хъугъэп. МэзиплI тешIагъ, зыми сигъэгумэкIырэп. ЦIыфхэм прививкэ зарагъэшIынэу закъыфэсэ­гъазэ, ащкIэ шъуипсауныгъи шъуищыIэныгъи къэшъуухъумэщтых, — еIо Адам.