Пхъэшъхьэ-мышъхьэхэм ахэшIыкIыгъэ псыхэм ыкIи псыIэ­шIухэм япродукцие республикэмкIэ иэкспортер шъхьаIэр пшъэдэкIыжьэу ыхьырэмкIэ гъунэпкъэ гъэнэфагъэ зиIэ об­ществэу «Экспресс Кубань» зыфиIорэр ары.

Ащ къыдигъэкIхэрэ продукциехэм тIу кIэу къахэ­хъуагъ: «Фруктоша» ыкIи «VODA» зыфиIохэрэр. Зы­ныбжь илъэси 3-м къе­хъугъэ кIэлэцIыкIухэм ахэр апай.

2015-рэ илъэсым шэ­кIо­гъум щегъэжьагъэу пшъэ­дэкIыжьэу ыхьырэмкIэ гъунэпкъэ гъэнэфагъэ зиIэ обществэу «Экспресс Кубань» зыфиIорэм IэкIы- бым щыIэ щэфакIохэм Iоф адешIэ. Зэпхыныгъэ зы­дыриIэ къэралыгъохэм ащыщых Китай, Казахстан, Белоруссиер, Армениер, Киргизиер, нэмыкIхэри. Адыгеим мэкъу-мэщымкIэ и Министерствэ къызэрэщаIуагъэмкIэ, мыщ фэдэ екIолIакIэм ишIуагъэкIэ лъэпкъ проектэу «Дунэе кооперациер ыкIи Экспортыр» зыфиIорэм къыдыхэлъытэгъэ шъолъыр проектэу «Экспорт продукции АПК» зыфиIорэм икъэгъэлъэгъон шъхьаIэхэр гъэцэкIагъэхэ мэхъу.

ПшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Экспресс Кубань» зыфиIорэр аужырэ шапхъэхэм ади­штэрэ оборудованиер зы­IэкIэлъ, зыгъэфедэрэ завод. Мазэм къыкIоцI продукцие тонн 35000-рэ къы-­ дэзыгъэкIын зылъэкIыщт линие 16-мэ Iоф ашIэ.