АР-м хэдзынхэмкIэ и Гупчэ комиссие мы мафэхэм я 124-рэ зэхэсыгъо иIагъ, Iофыгъо 15-мэ ащытегущыIагъэх.

Iофтхьабзэм ипэублэ яенэрэ зэIугъэ­кIэгъумкIэ Урысые Федерацием и Федеральнэ ЗэIукIэ и Къэралыгъо Думэ Адыгэ РеспубликэмкIэ кандидатэу Владислав Резник агъэнэфагъ.

АР-м и Къэралыгъо Совет — Хасэм идепутатынымкIэ Социалистическэ политическэ партиеу «СПРАВЕДЛИВАЯ РОССИЯ – ПАТРИОТЫ – ЗА ПРАВДУ» зыфиIорэм ишъолъыр отделение къы­гъэлъэгъогъэ кандидат 56-мэ якандидатурэ аштагъ. Урысые политическэ партиеу «ЕДИНАЯ РОССИЯ» зыфиIорэм къыгъэнэфэгъэ кандидат 89-мрэ зэхэсыгъом хэсхэм адырагъэштагъ ыкIи ар къэзыушыхьэтырэ удостоверениехэр аратыжьыгъэх.

Нэужым АР-м и Къэралыгъо Совет — Хасэм идепутатынымкIэ Джэджэ районымкIэ зы мандат зиIэ хэдзыпIэ коеу N 3-м Александр Купиныр, Мые­къопэ районымкIэ зы мандат зиIэ хэдзы­пIэ коеу N 18-мкIэ Шъаукъо Рус­там, МыекъуапэкIэ зы мандат зиIэ хэдзыпIэ коеу N 14-мкIэ Къуижъ Саидэ, МыекъуапэкIэ зы мандат зиIэ хэдзыпIэ коеу N 11-мкIэ Арамаис Авагянрэ Юрий Киселевымрэ, Красногвардейскэ ыкIи Теуцожь районымкIэ зы мандат зиIэ хэдзыпIэ коеу N 7-мкIэ Бахъукъо Алый, Кощхьэблэ районымкIэ зы мандат зиIэ хэдзыпIэ койхэу N 4-мкIэ Тыгъужъ ТIа­хьирэ къагъэлъэгъуагъэх. Ахэм кандидат зэрэхъугъэхэр къэзыушыхьатыхэрэ тхылъ­хэр аратыжьыгъэх.

Iофтхьабзэм нэмыкI Iофыгъохэми щахэплъагъэх. Мы мафэхэм кандидатэу зыкъэзыгъэлъэгъогъэ зы нэбгырэм итхьапэхэмкIэ илъэс заулэкIэ узэкIэIэбэ­жьымэ хьапс Iоф телъыгъэу къычIэ­кIыгъ, хэбзэгъэуцугъэм диштэу ар кандидат хъун ылъэкIыщтэп, икандидатурэ тыра­хыжьыгъ. Ащ нэмыкIэу зы нэбгырэм ежь ишIоигъоныгъэкIэ икандидатурэ тырихыжьыгъ.

ДЕЛЭКЪО Анет.