Сэкъатныгъэ зиIэ сабыйхэм апае
ЦIыфхэм социальнэ фэIо-фашIэхэр афэгъэцэкIэгъэнхэмкIэ Мыекъуапэ и Гупчэ «Добрая няня» зыфиIорэ проектыр къалэм щыпхырещы.
Ащ къызэрэщыдэлъытагъэм тетэу, специалистхэр илъэси 3 — 18 зыныбжь кIэлэцIыкIухэу зипсауныгъэ пыч фэхъугъэхэм охътэ гъэнэфагъэм алъэплъэх, яфэIо-фашIэхэр афагъэцакIэх. Ащ тетэу ны-тыхэм загъэпсэфынэу ыкIи унагъом Iофэу иIэхэр зэшIуахынхэу уахътэ араты.
Специалистхэр кIэлэцIыкIухэм зэралъыплъэхэрэм имызакъоу, япсауныгъэ нахьышIу хъуным фытегъэпсыхьэгъэ джэгукIэ зэфэшъхьафхэр арагъашIэх, музыкэм, сурэтшIыным, нэмыкI лъэныкъохэм афагъасэх. КIэлэцIыкIу пэпчъ иуз, ыныбжь къыдалъытэмэ, ны-тыхэри къыхагъэлажьэхэзэ, хэушъхьафыкIыгъэу ищыкIэгъэ джэгукIэр, пособиехэр къыфыха- хых. Джащ фэдэу хэхъоныгъэхэр ашIынхэм ищыкIагъэр ны-тыхэм къафаIуатэ.
АР-м IофшIэнымкIэ ыкIи социальнэ хэхъоныгъэмкIэ и Министерствэ къызэрэщаIуагъэмкIэ, специалистхэм тхьамафэм сыхьатищым нэсэу зы унагъом щагъакIо.