Илъэсым — гъогу километрэ 50
Адыгеим икъэлэ шъхьаIэ имыжъо гъогоу Iахь 55-рэ мыгъэ агъэцэкIэжьынэу агъэнэфагъ.
ШышъхьэIум и 16-м IофшIэнхэр рагъэжьэщтых, мы илъэсым ичъэпыогъу мазэ ыгузэгу нэс апэрэ чэзыур аухынэу ары зэрэгугъэхэрэр.
АР-м игъогу Фонд къыхэхыгъэ ахъщэкIэ къалэм ыкIи ащ хэхьэрэ къоджэ псэупIэхэм ягъогу километрэ 50 тызхэт 2021-рэ илъэсым агъэкIэжьыщт. Къэлэ администрацием къызэритыгъэмкIэ, гъогухэм язытет ыкIи цIыфхэм яшIоигъоныгъэхэр къыдалъытэзэ планыр зэхагъэуцуагъ. ЧIыпIэ анахь дэеу, гъэцэкIэжьынхэр анахьыбэу зищыкIагъэхэм къащырагъэжьэщт.
Мыекъуапэ имэр иIэнатIэ зыгъэцэкIэрэ Сергей Стельмах IофшIэнхэр зэрэзэшIуахыхэрэм, гъогухэр шапхъэхэм адиштэу шIыгъэнхэм анаIэ тырагъэтынэу ащ фэгъэзагъэхэм пшъэрылъ къафигъэуцугъ.