ГъогурыкIоным ишапхъэхэр зыукъуагъэу ГИБДД-м икамерэ ыгъэунэ­фыгъэм административнэ тазыр зэрэтыралъхьагъэм епхыгъэ къэба­рым игъом щыгъозэнхэм фэшI водительхэм зэкIэми зафэтэгъазэ къэралыгъо фэIо-фашIэхэр зыщагъэцэкIэрэ ЗыкI порталэу www.gosuslu-gi.ru зыфиIорэм иедзыгъоу «Уведомления о штрафах» ыкIи сервисэу смс-мэкъэгъэIум зыщатхынэу. Мы фэIо-фашIэм ыпкIэ атыщтэп.

Къэралыгъо ыкIи муниципальнэ тынхэмкIэ Къэралыгъо информационнэ системэм ибазэ тазы­рым фэгъэхьыгъэ къэбарыр къы­зихьэкIэ, фэIо-фашIэхэм акIэтхагъэхэм смс-мэкъэгъэIур къаIукIэщт.

Джащ фэдэу административнэ тазырхэм япхыгъэ къэбарыр Къэралыгъо автоинспекцием исайтэу www.gibdd.ru зыфи­Iорэм исервисэу «Проверка штрафов» зыцIэм ижъугъотэщт.

АР-м и Къэралыгъо автоинспекцие шъугу къегъэкIыжьы, Федеральнэ унашъоу N 437-м къызэригъэнафэрэм тетэу мэфэ 20-м къыкIоцI тазырыр зышъутыжьыкIэ, ахъщэм изыныкъор ары шъуагъэпщыныщтыр.

ЫпшъэкIэ зигугъу къэтшIыгъэ тазырхэр почтэм ыкIи банкым иподразделениехэм, джащ фэдэу Къэралыгъо автоинспекцием исайтэу www.gibdd.ru зы­фи­Iорэм исервисэу «Проверка штрафов»: oplata.gosuslugi.ru, ащ нэмыкIэу административнэ тазырыр банкэу шъузэпхыгъэм «иунэе кабинетым» щышъутын шъулъэкIыщт.

А. Чмырев. ГъогурыкIоныр щынэгъончъэнымкIэ Къэралыгъо ав­то­инспекцием АдыгеимкIэ и ГъэIорышIапIэ ипащ.