ШышъхьэIум и 4-м пчэдыжьым сыхьатыр 6-м такъикъ 15-кIэ ежьагъэу автомобиль гъогоу М-4 «Дон» зыфиIорэм ия 1355-рэ километрэ аварие щыхъугъ.

ЗэрагъэунэфыгъэмкIэ, илъэс 27-рэ зыныбжь водителым автомобилэу «Фордыр» фэмыгъэIорышIэжьэу гъогум дэ­чъэхи къэшIыхьагъэм еутэкIыгъ. Мы хъугъэ-шIагъэм ыпкъ къикIэу машинэм исыгъэ нэбгыритIуми, илъэс 27-рэ ыкIи 73-рэ аныбжь, шъобжхэр атещагъэхэу сымэджэщым ащагъэх.

— Аварие хъугъэ автомобилым илъэ­ситIу зыныбжь сабыир исыгъ. Щынэ­гъончъэным ылъэныкъокIэ шапхъэр зэрамыукъуагъэм, хэушъхьафыкIыгъэ кIэлэцIыкIу тIысыпIэм зэрисыгъэм афэшI сабыим зыпари къыщышIыгъэп, — ­къеты АР-м хэгъэгу кIоцI IофхэмкIэ и Министерствэ ипресс-къулыкъу.

Мы хъугъэ-шIагъэм фэгъэхьыгъэу Теуцожь районым и Къэралыгъо автоинспекцие уплъэкIунхэр регъэкIокIых, аварием лъапсэ фэхъугъэр зэрегъашIэ.