Зэнэкъокъум иупчIэхэр
Хэгъэгум футболымкIэ изэнэкъокъу хэлэжьэрэ командэхэу апшъэрэ купым хэтхэм я 3-рэ ешIэгъухэр шышъхьэIум и 6 — 9-м яIагъэх.
ЗэIукIэгъухэр
«Уфа» — «Локомотив» — 1:1, «Зенит» — «Краснодар» — 3:2, «Арсенал» — «Крылья Советов» — 2:1, «Спартак» — «Нижний Новгород» — 1:2, «Химки» — «Ростов» — 1:1, «Рубин» — «Ахмат» — 2:1, «Динамо» — ЦСКА — 2:1, «Шъачэ» — «Урал» — 2:0.
Апэ ишъыгъэ командэхэу «Зенит», «Рубин», «Динамэм» чIэнагъэ ашIыгъэп. 2021 — 2022-рэ илъэс зэнэкъокъум медальхэр къыщыдахын ямурад. «Локомотив», «Спартак», «Ростов», «Краснодар», ЦСКА — ахэри командэ лъэшых, Европэм и Кубок фэгъэхьыгъэ зэнэкъокъум хэлэжьэнхэм фэшI апэрэ чIыпIи 6-р къыдэзыхыхэрэм ахэфэнхэ фае. Адыгэхэм ятарихъ къалэу Шъачэ икоманди апэ ишъыщтхэм ащыщ хъуным ишъыпкъэу пылъ. Ауж къинэщтхэм, апшъэрэ купым къыхэзыщтхэм ацIэхэр къетIонхэ тлъэкIыщтэп — зэнэкъокъур рагъэжьэгъэ къодый, гугъэ зимыIэ командэ ахэтэп.
ЧIыпIэхэр зэтэгъапшэх
Ящэнэрэ ешIэгъухэм ауж футбол командэхэр чIыпIэу зыдэщытхэм, очко пчъагъэу яIэм шъуащытэгъэгъуазэ.
1. «Зенит» — 9 2. «Рубин» — 9 3. «Динамо» — 9 4. «Локомотив» — 7 5. «Нижний Новгород» — 7 6. «Шъачэ» — 6 7. «Химки» — 4 8. «Краснодар» — 3 9. «Ахмат» — 3 10. ЦСКА – 3 11. «Спартак» — 3 12. «Арсенал» — 3 13. «Уфа» — 1 14. «Ростов» — 1 15. «Урал» — 1 16. «Крылья Советов» — 0. «Ростов» итренер шъхьаIэу Юрий Семиным къызэриIуагъэу, командэхэр 2021 — 2022-рэ илъэс зэнэкъокъум хэлажьэхэзэ, яешIакIэ хагъэхъощт.
Я 4-рэ зэIукIэгъухэр
14.08, шэмбэт «Нижний Новгород» — «Уфа» «Спартак» — «Урал» «Ахмат» — «Динамо» «Ростов» — ЦСКА 15.08, тхьаумаф «Локомотив» — «Зенит» «Рубин» — «Крылья Советов» «Краснодар» — «Арсенал» 16.08, блыпэ «Шъачэ» — «Химки».
Хэгъэгум изэнэкъокъу епхыгъэ упчIэхэр бэ мэхъух, джэуапхэр ешIэгъухэм къагъэлъэгъощтых.