Iоф къызфызэIуахыгъэ цIыфхэм ыкIи бизнесым хэ­ща­гъэхэм яIофыгъохэр зэхэфыгъэхэ зэрэхъурэр зэрагъэ-шIэным пае зыкI къэралыгъо (муниципальнэ) фэIо-фашIэ­хэм япортал амалэу къытыхэрэр къызфагъэфедэн алъэкIыщт.

Ащ кIэщакIо фэхъугъэх хьыкум приставхэм я Федеральнэ къулыкъурэ УФ-м цифрэ шIыкIэм хэхъоныгъэ ышIыным, зэпхыныгъэм ыкIи коммуникацие жъугъэм и Министерствэрэ.

Сервисэу «Госпочта» зыфиIорэм ишIуагъэкIэ, хьыкум приставхэм къапкъырыкIырэ электроннэ повесткэр ыкIи чIыфэу телъыр зыфэдизыр цIыфым иунэе кабинет фырагъахьэ. Урысыем ишъо­лъырхэм зэкIэми мы шIыкIэр агъэфедэ хъугъэ. Непэрэ мафэм ехъулIэу тхьапэу (уведомлениеу) афагъэхьыгъэм ипчъагъэ миллиони 109-м ехъугъ.

Къэралыгъо фэIо-фашIэхэм япортал къызфагъэфедэзэ, цIыфхэм хьыкум при­ставхэм я Федеральнэ къулыкъу ипащэхэм зафагъэзэн, ядаохэр ыкIи ялъэ­Iухэр къыраIотыкIынхэ алъэкIыщт. Мы уахътэм ехъулIэу нэбгырэ миллион 1,9-м ехъумэ ар къызфагъэфедагъ.

ЧIыфэ зытелъхэр къэралыгъо фэIо-фашIэхэм япортал исервис онлайн шIыкIэм тетэу ихьанхэшъ, яIоф зэрэзэхафырэм, ар зынагъэсыгъэм зыщагъэгъозэн алъэкIыщт. Процент 75-м ехъумэ нэгъэупIэпIэгъуи 3-м къыкIоцI джэуап агъотыжьы.

Чэщ-зымафэм мы электроннэ сервисым нэбгырэ мин 35-рэ фэдизмэ зы­къыфагъазэ. Iоф зишIэрэм щегъэжьа­гъэу а пчъагъэр миллиони 4,4-м ехъугъ.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу