Лъэпкъ проектэу «Щынэгъончъэ ыкIи шэпхъэшIухэм адиштэрэ гъогухэр» зыфиIорэм къызэрэ­дыхэлъытагъэу, Ханскэмрэ Шытхьалэрэ зэзыпхырэ шъолъыр мэхьанэ зиIэ автомобиль гъогум изы Iахь агъэцэкIэжьы.

ШышъхьэIум ыкIэм нэс ки­лометрэ фэдиз зикIыхьэгъэ гъогур зэрифэшъуашэу зэтыра­гъэпсы­хьащт.

Лъэпкъ проектыр загъэцэ­кIэрэ илъэсищым къыкIоцI станицэу Ханскэм игъогу IахьитIу зэтырагъэпсыхьажьыгъ, мыр ящанэрэ.

IофшIэнхэр зыгъэцакIэрэр организациеу «ДСУ N 3-р» ары. Проектым изэшIохын зэкIэмкIи сомэ миллион 13,2-м ехъу пэ­Iуагъэхьащт. Непэрэ мафэм ехъулIэу гъогур зэщиз ашIыгъ, ащ къеолIэрэ дэхыгъо 14-мэ асфальт атыралъхьэ, тамыгъэ­хэр зэблахъунхэу рагъэжьагъ. ЫпшъэкIэ къызэрэщыт­Iуагъэу, гъогум иIахь изэтегъэ­псыхьан мы мазэм къыкIоцI аухыщт.