Гъогу хъугъэ-шIагъэхэм ахэкIуадэхэрэ кIэлэцIыкIухэм афэгъэхьыгъэ я IV-рэ Урысые зэнэкъокъур макIо.

«Наташа Едыкинам» ыцIэкIэ шIушIэ фондым ар зэхищагъ. Зэнэкъокъур бэдзэогъум и 19-м къыщегъэжьагъэу шы­шъхьэIум и 19-м нэс щыIэщт. Илъэси 3-м къы­щегъэжьагъэу 14-м нэс зы­ныбжьэу, шIоигъоныгъэ зиIэр зэкIэ ащ хэлэжьэнхэ алъэ­кIыщт. «Светофорова наука» зыцIэ зэнэ­къокъум де­коративнэ-прикладной сэ­наущыгъэ ин зыхэлъхэ ныб­жьыкIэхэр хэлажьэх. КIэлэцIыкIухэр зыхэкIодэрэ гъогу хъугъэ-шIагъэхэр нахь макIэ шIыгъэнхэр ары пшъэрылъ ­шъхьаIэр.

Джащ фэдэу, кIэлэцIыкIухэм гъогурыкIоным ишапхъэхэр арагъэшIэнхэр, анахьэу гъэмэфэ зыгъэпсэфыгъо лъэ­хъаным щынэгъончъэу гъогум щызекIонхэр, кIэлэцIыкIухэм япсауныгъэ шъобж хэзыхырэ гъогу хъугъэ-шIагъэхэр бэу ­къызэрэхъухэрэм ны-тыхэм анаIэ тырадзэныр, зыныбжь имыкъугъэхэм сэнаущыгъэу ахэлъым зырагъэушъомбгъуныр ары мурадэу зэхэщакIохэм яIэр.