КIэлэеджакIохэм ахъщэр аIэкIэгъэхьэгъэнымкIэ IофшIэныр Адыгеим игъом щаублагъ.

Шъугу къэдгъэкIыжьын: Урысыем и Президентэу Владимир Путиным пшъэрылъ къафишIыгъ шышъхьэIум и 16-м емыжэхэу, ипIалъэм къыпэу кIэлэеджакIохэм шышъхьэIум и 2-м къыщегъэжьагъэу сомэ ми­ни 10 зырыз аIэкIагъэхьанэу.

Урысые Федерацием Пен­сиехэмкIэ ифонд и Къутамэу Адыгэ Республикэм щыIэм шышъхьэIум и 2-м ехъулIэу кIэлэцIыкIу 56526-мэ апае со- мэ миллион 565-рэ мин 260-рэ къытIупщыгъ, ар ащ фэдэ ахъщэ аратыным ифитыныгъэ зиIэ кIэлэеджакIохэу агъэнэ­фагъэхэм япроцент 85-м ехъу. Ащ фэгъэхьыгъэу къытыгъ Урысые Федерацием ПенсиехэмкIэ ифонд и Къутамэу Адыгэ Республикэм щыIэм ипресс-­къулыкъу. ЗэрагъэнэфагъэмкIэ, ахъщэр зэратын фаехэр къы- кIэ­лъыкIохэрэр ары:

— илъэси 6-м къыщегъэ­жьа­гъэу илъэс 18-м нэс зыныбжь кIэлэцIыкIу пэпчъ (2021-рэ илъэ­сым Iоныгъом и 1-м шIомыкIэу зыныбжь илъэси 6 хъу­гъэ кIэлэцIыкIухэм ыкIи Указыр къызщыдэкIыщтым тефэу (бэдзэогъум и 2-м) зыныбжь илъэс 18 мыхъугъэхэм е ахэр зыпIунэу зыштагъэхэм, опекунхэм) араты. Мыщ дэжьым къэ­Iогъэн фае еджапIэм ар чIэс­-чIэмысым емылъытыгъэу IэкIагъэхьан зэрэфаер;

— сэкъатныгъэ зиIэхэу ыкIи зипсауныгъэ пыч фэхъугъэхэу илъэс 18-м къыщегъэжьагъэу илъэс 23-м нэс зыныбжьхэу гъэсэныгъэ зэрарагъэгъотырэ программэ шъхьаIэхэмкIэ еджэ­хэрэм е ахэм янэ-ятэхэм яз.

КIэлэцIыкIухэм янэ-ятэхэр (зыпIунэу зыштагъэхэр, опекунхэр) ыкIи ахэм якIэлэцIыкIухэр Урысыем игражданхэу щытхэ ыкIи Урысыем хэхьэрэ чIыпIэм щыпсэухэ зыхъукIэ ары ащ фэдэ зэтыгъо ахъщэр аIэкIагъэ­хьанэу загъэнафэрэр.