«Гаражнэ амнистиер» 2021-рэ илъэсым Iоныгъом и 1-м рагъэ­жьэщт ыкIи 2026-рэ илъэсым мы мэфэ дэдэм нэс кIощт.

Мыщ пшъэрылъ шъхьаIэу иIэр чIыгу Iа­хьымрэ ежь гаражымрэ нахь къызэрыкIоу ыкIи Iэрыфэгъоу цIыфым зытыраригъэтхэжьын амал иIэныр ары.

Унашъоу щыIэм диштэу мы илъэсым, Iоныгъом и 1-м ехъулIэу гаражыр зытырашIыхьэгъэ чIыгу Iахьым пылъ тхылъхэр нахь къызэрыкIоу гъэхьазырыгъэнхэм муниципалитетхэр ыкIи шъолъырхэм яхэбзэ къулыкъухэр фэхьазырынхэ фае.

Амнистием къыхеубытэх 2004-рэ илъэсым тыгъэгъазэм и 30-м нэс ашIыгъэ унэе гаражхэр ыкIи ахэр зытырашIыхьэгъэ чIыгу Iахьхэр.

НэмыкI шъолъырхэм афэдэу Адыгэ Рес­публикэри мыщ хэлажьэ. Гаражымрэ чIыгу Iахьымрэ иунаеу зэрэщытхэр къэзыушыхьатырэ тхылъыр цIыфым къызыратыжькIэ, ахэр зэрэфаеу ыгъэзекIонхэ фитыщт, ау ащ дакIоу хэбзэIахьхэри ытынхэ фаеу хъущт.