Апэрэ чIыпIэр къыдихыгъ

Кушъхьэфэчъэ спортымкIэ Урысые зэнэ­къокъухэр къалэу Орел щыкIуагъэх. Илъэс 15 — 16 зыныбжьыхэм якуп чанэу зы­къыщигъэлъэгъуагъ ыкIи апэрэ чIыпIэр къыдихыгъ Адыгеим испортсменэу Вадим Перепелицэ. Ар зыгъасэрэр Александр Дикий.

Анахь дэгъухэм ащыщых

2021-рэ илъэсым бэдзэогъум и 23-м къыщегъэжьагъэу и 28-м нэс кушъхьэфэчъэ спортымкIэ гъэмэфэ спартакиадэр къалэу Саранскэ щыкIуагъ. Илъэс 17 — 22-рэ зыныбжь ныбжьыкIэхэр ары зэнэкъокъу­гъэхэр. Адыгеим ихэшыпыкIыгъэ командэ я 5-рэ чIыпIэр къыдихыгъ. Спартакиадэм шъолъыр 23-рэ хэлэжьагъ. Республикэм щыщ Гюнель Мехтиевам я 2-рэ ыкIи я 3-рэ чIыпIэхэр къыдихыгъэх. Командэхэм якъызэдэчъэнкIэ зэнэкъокъум тикомандэ я 2-рэ чIыпIэр къыщыдихыгъ. Елизавета Арчибасовам, Гюнель Мехтиевам, Кристина Новиковам, Алена Рыцевам дэгъоу зыкъагъэлъэгъуагъ, республикэм щыпсэухэрэр агъэгушIуагъэх. Тренерыр Алексей Войновыр ары.