Бжыхьэсэ лэжьыгъэу тичIыгулэжьхэм халъхьэгъагъэм иIу­хыжьын аухыгъ.

ПстэумкIи гектар 107171-рэ бжыхьасэхэм арагъэубытыгъагъ. ГурытымкIэ лъытагъэу, зы гек­тарым центнер 46,8-рэ къырахызэ тонн 496821- рэ къаугъоижьыгъ.

Бжыхьэсэ хьэр гектар 12564-рэ хъущтыгъ. АР-м мэкъу-мэщымкIэ и Министерствэ тызэрэщигъэгъо­загъэмкIэ, гурытымкIэ лъы­тагъэу, зы гектарым центнер 47,3-рэ къыра­хыгъ, пстэумкIи тонн 58271-рэ къаугъоижьыгъ. Анахьыбэу мыщ къизыхыгъэхэр, ар центнер 56-рэ, Кощхьэблэ ыкIи Красногвардейскэ районхэм ячIыгулэжьхэр ары.

Коцым пстэумкIи гектар 94380-рэ рагъэубытыгъагъ. БлэкIыгъэ илъэсым аIожьынэу халъхьэгъагъэм нахьи ар гектар минитIум ехъукIэ нахьыб. Ащ изы гектар пэпчъ гурытымкIэ лъытагъэу, центнер 46,8-рэ къытыгъ, зэкIэмкIи тонн 437040-рэ къаугъоижьыгъ.

Анахьыбэу къызщыра­хыгъэр Красногвардейскэ районыр ары. Коц гектар 13850-рэ пстэумкIи яIагъ, гурытым телъытагъэу, центнер 54,7-рэ зым къытыгъ, тонн 73636-рэ къаугъоижьыгъ.

Ащ ыуж макIэу ит Кощ­хьэблэ районыр. Коц гектар 14641-рэ ащ ичIыгулэжьхэм халъхьэгъагъ, гурытым телъытагъэу центнер 54,4-рэ къыра­хыгъ, пстэумкIи къаугъоижьыгъэр тонн 78254-м ехъу.

Мэкъу-мэщымкIэ Ми­нистерствэм тызэрэщи­гъэгъозагъэмкIэ, коцым къырахыжьыгъэмкIэ ящэ­нэрэ хъугъэх Шэуджэн районым ичIыгулэжьхэр. Гектар 14370-рэ ахэм мы лэжьыгъэм рагъэубыты­гъагъ, гурытым телъытагъэу, центнер 51-рэ зы гектарым къытыгъ, тонн 73290-рэ къаугъоижьыгъ.

Чылапхъэ ашIынэу рапс гектар 8357-у республикэм щапхъыгъагъэри Iуахы­жьыгъ. ГурытымкIэ гектар пэпчъ, центнер 20 ащ къы­рахыгъ, тонн 16020-рэ къаугъоигъ.

Тритикале мыгъэ зыща­лэжьыгъэхэр Джэджэ, Кощхьэблэ, Тэхъутэмы­къое ыкIи Шэуджэн районхэр ары. ПстэумкIи гектари 193-рэ хъущтыгъ. Ари Iуахыжьыгъ, зы гектарым, гурытым телъытагъэу, центнер 37-рэ къытыгъ, тонн 743-рэ къау­гъоижьыгъ.

ХЪУТ Нэфсэт.