ТиныбжьыкIэхэм медалитIу къахьыгъ
Атлетикэ онтэгъумкIэ Урысыем иныбжьыкIэхэм ягъэмэфэ спартакиадэ Краснодар краим и Анэпэ район ит псэупIэу Сукко щэкIо.
Зэнэкъокъум ифинал ихьагъэх ыкIи зэрифэшъуашэу зыкъагъэлъэгъуагъ Адыгеим испортсмен ныбжьыкIэхэу Бзэсэжъ Аслъан, Хъыщт Хьазрэтбый ыкIи Олег Соколовым.
Килограмм 67-рэ къэзыщэчыхэрэм якуп хэтыгъэ Бзэсэжъ Аслъан дышъэ медаль къыхьыгъ. Хъыщт Хьазрэтбый ящэнэрэ чIыпIэр къыдихыгъ. Спортсменхэр зэнэкъокъум фэзыгъэхьазырыгъэхэр тренерхэу Сихъу Аслъанрэ Хьакурынэ Руслъанрэ.
Атлетикэ онтэгъумкIэ ятфэнэрэ гъэмэфэ спартакиадэр мэфихрэ кIуагъэ, къэралыгъом испортсмен шъищ фэдиз хэлэжьагъ.
ТиныбжьыкIэхэм тафэгушIо, тапэкIи гъэхъэгъэшIухэр ашIынхэу афэтэIо.