- Бэдзэогъум и 28-м вакцинэм иятIонэрэ Iахьыр зыхязгъэлъхьагъ. Прививкэ зязгъэшIыным лъапсэ фэхъугъэр непэ зэрэдунаеу гумэкIэу тызыхэтыр, зэпахырэ коронавирус узым бэхэр зэригъэсымаджэхэрэр, цIыфхэр ащ зэрилIыкIыхэрэр ары.

Сэ сянэ-сятэхэм сахэс. ЗэкIэми ашIэ нэжъ-Iужъхэм яиммунитет зэрэмыдэгъушхор. Сятэ бэшIагъэу гъойщай, зыгорэкIэ сэ сымаджэ сыхъоу сянэ-сятэмэ узыр апызгъахьэмэ сIуи, екIолIакIэу щыIэхэр зэкIэ къыдэслъыти, прививкэ зезгъэшIыгъ. ЯтIонэрэмкIэ, творческэ цIыфэу сызэрэщытыр къызыдэплъытэкIэ, бэмэ уягупшысэн фаеу мэхъу. ГущыIэм пае, Iофтхьэбзэ зэфэшъхьафхэм сыырагъэблагъэ, сэри зэхахьэхэр сэшIых, къэлэшхохэм сыкIоу къыхэкIы. Мы уахътэу тызыхэтым справкэ уимыIэу тыди уагъэкIощтэп. Ари ушъхьагъоу щыIэхэм ащыщ. Сэ симызакъоу сяни, сши, илъэс 86-рэ зыныбжь сятэшыми вакцинэр захарагъэлъхьагъ. Укол ашIыгъэ чIыпIэр тIэкIу мэузы нахь, нэмыкIэу зыпарэми сигъэгумэкIыгъэп. Сэгугъэ ишIуагъэ къытэкIынэу ыкIи узым тыпэшIуекIонэу.