Чъыгаер къэухъумэгъэным фэшI
Чъыгаем зэрарышхо езыхырэ пхъацIэм пэшIуекIон зылъэкIыщт щэнаутхэм яушэтынкIэ Адыгеим Iофтхьэбзэ гъэнэфагъэхэр щызэрахьэх.
Адыгэ Республикэм мэзхэмкIэ и ГъэIорышIапIэ къызэритыгъэмкIэ, Мыекъопэ лесничествэм къыхиубытэрэ Курджыпс мэзым къыщыкIыхэрэр обработкэ ашIыгъэх. Мэзхэм якъэухъумэнкIэ специалистхэм Гъозэрыплъэ лесничествэм щыщ гектар 645-рэ фэдизым къыщыкIырэ чъыгаехэм язытет хэдзэ-хадзэу бэдзэогъум ауплъэкIугъ.
Губгъо IофшIэнхэу дгъэцэкIагъэхэм къызэрагъэлъэгъуагъэмкIэ, чъыгхэр къызщыкIыхэрэ чIыпIэм елъытыгъэу язытети, зэрарэу ахьыгъэри зэтекIы, — къыщаIуагъ Адыгэ Республикэм и ЦЗЛ.
Шъугу къэдгъэкIыжьын: Адыгеим имэзхэм чъыгаер къаигъэ зышIырэ пхъацIэр 2016-рэ илъэсыр ары къазыхэхьагъэр ыкIи зэрар зэрихырэр нахьыбэ хъузэ лъэкIуатэ.