Закъыфэзгъэзагъэ цIыфхэм яIофыгъохэм захаплъэ нэуж партиеу «Единэ Россием» ишъолъыр къутамэ Адыгэ Республикэм и ЛIышъхьэу КъумпIыл Мурат елъэIугъ транспортым урызекIоным фытегъэпсыхьэгъэ социальнэ билетхэм ящэн зэтегъэуцожьыгъэнымкIэ унэшъо гъэнэфагъэ ышIынэу.

Мы илъэсым ищылэ мазэ къыщегъэжьагъэу билетхэм ящэн зэпагъэугъ. Мы уахътэм документыр агъэхьазыры, нэужым Адыгеим и Премьер-министрэ ащ кIэтхэщт. АР-м псэолъэшIынымкIэ, транспортымкIэ, псэупIэ-коммунальнэ ыкIи гъогу хъызмэтымкIэ и Министерствэ къызэрэща­Iуа­гъэм­кIэ, мы лъэныкъомкIэ Iофхэм язытет зыфэдэм ынаIэ тет республикэм ипащэ.