«Единэ Россием» илъэпкъ программ
Тикъэралыгъо щыпсэурэ нэбгырэ пэпчъ Урысыем ипартиеу «Единэ Россием» илъэпкъ программэ хэлэжьэн амал иI.
— Гъэмэфэ зыгъэпсэфыгъом емылъытыгъэу, «Единэ Россием» ифракцие идепутатхэм цIыфхэм яеплъыкIэхэр, яшIоигъоныгъэхэр къыдалъытэхэзэ непи яIофшIэн зэхащэ. Iофыгъо шъхьаIэу къэуцухэрэр къыраIотыкIынхэу къэралыгъом щыпсэухэрэм закъыфэтэгъазэ, фракцием хэтхэм ахэр зэхафыщтых, цIыфхэм яшIуагъэ арагъэкIыным анаIэ тырагъэтыщт, — къыщеIо партием иофициальнэ сайт.
Лъэпкъ программэм изэхэгъэуцон ухэлэжьэным пае сайтэу «NP. ER.RU» зыфиIорэм къытырэ амалхэр къызфэбгъэфедэнхэ плъэкIыщт. АпэрэмкIэ —щыIэныгъэм илъэныкъо шъхьаIэхэр къизыIотыкIырэ предложениехэм ащыщым умакъэ фэптыныр, ятIонэрэмкIэ — хэушъхьафыкIыгъэ шIыкIэм тетэу предложениехэр бгъэхьынхэр. Джащ фэдэу офлайн шIыкIэри къызфэбгъэфедэн плъэкIыщт.
Урысыем и Президентэу Владимир Путиныр зыкIэтхэгъэ унашъом къызэрэщиIорэмкIэ, УФ-м и Къэралыгъо Думэ идепутатхэм яхэдзынхэм языкI мафэ 2021-рэ илъэсым Iоныгъом и 19-м тефэ. Мэфищым – Iоныгъом и 17 — 19-м цIыфхэм амакъэ атын алъэкIыщт. А уахътэм Адыгеим и Къэралыгъо Совет – Хасэм идепутатхэри хадзыщтых.