Шэуджэн Инвер, АР-м ичIыопс паркэу «ТхакIышхом» ипащ:  

- Уз щынагъоу коронавирусым пэшIуекIорэ вакцинэр зыхязгъэлъхьагъ. Егъэзыгъэ Iоф хэмылъэу сэр-сэрэу мыщ фэдэ унашъо сшIыгъэ. Сэ симызакъоу, сяни, сиIофшIэгъухэми прививкэ зарагъэшIыгъ. Вакцинэм иапэрэ Iахь жъоныгъуакIэм ыкIэхэм адэжь, ятIонэрэр мэкъуогъум    зыхязгъэлъхьагъ. Дэгъоу къысэзэгъыгъ, зыпарэми сигъэгумэкIыгъэп. ТапэкIэ мыщ ишIогъэшхо къысэкIынэу сэлъытэ. Мы уахътэм сымаджэхэрэм япчъагъэ хэпшIыкIэу хэхъуагъ, арышъ, мыщ дэжьым хэкIыпIэ закъоу щыIэр прививкэ зябгъэшIыныр ары. Нэбгырэ пэпчъ къыгурыIон фае ипсауныгъэ, ищыIэныгъэ  икъэухъумэн ежь ыIэ зэрилъыр.