Дунаим щыпсэухэрэ быс­­лъымэнхэм мэхьанэшхо зэратырэ дин мэфэкIитIум ащыщ Къурмэныр. Мыгъэ ар бэдзэ­огъум и 20-м тефагъ ыкIи, ха­бзэ зэрэхъугъэу, мэфэ заулэрэ хагъэунэфыкIы. МэфэкIым ха­хьэу шIушIэ Iофтхьабзэхэр Адыгеим щызэрахьэх.

Адыгэ Республикэм ыкIи Пшызэ шъолъыр ащыпсэурэ быслъымэнхэм я ДиндэлэжьапIэ къызэритыгъэмкIэ, Мые­къуапэ дэт мэщытым къакIо­хэрэм ямылъ­кукIэ IэшIу-IушIу­хэр, нэмыкI пкъыгъохэр зэры­лъыгъэхэ къэмлэнэ 350-рэ кIэлэцIыкIухэм шIухьафтынэу афа­гощыгъ.

Дунаим тет быслъымэн пстэуми анахь агъэлъэпIэрэ мэфэкIэу щытым цIыфхэр шIум фещэх, мамырныгъэм, зэфагъэм, къыппэблагъэм гукIэгъу фэпшIын зэрэфаем, зэдеIэжьны­гъэм нахь къафегъэущых. А хэбзэ шIагъохэм яшIуагъэ къэкIо зэгурыIоныгъэу цIыфхэм азыфагу илъыр джыри нахь пытэ хъунымкIэ, лъэпкъ зэфэшъхьафхэм къахэкIыгъэхэу республикэм щыпсэухэрэм, дин зэфэмыдэхэр зылэжьыхэрэм зэзэгъыныгъэ азыфагу илъынымкIэ.

Адыгеим щыпсэурэ быс­лъымэн пстэуми тафэлъаIо псауныгъэ пытэ, щыIэкIэшIу яIэ­нэу, яунагъохэм фэбагъэ арылъынэу.