Бэдзэогъум и 22-м чэщым илъэс 13 зыныбжь пшъэшъэжъыем токыр къеуагъэу, иIоф дэеу Адыгэ республикэ кIэлэцIыкIу сымэджэщым ащагъ.

Ар мэшIоку гъогоу Адыгеир зэпызычырэм иIахьэу «Дондуковская — Назаровская» зыфиIорэм дэжь щыIэу, техническэ IофшIэнхэр зэрэзэшIуахыхэрэ лъэоим д­экIуаий электричествэр зэрыкIорэ гъучIычхэм анэсыгъ. ПэшIорыгъэшъэу зэрагъэунэфыгъэмкIэ, ары токыр къеонэу зэрэхъугъэр.

УФ-м хэгъэгу кIоцI IофхэмкIэ и Министерствэ транспортымкIэ и Линейнэ гъэ­IорышIапIэу къалэу Краснодар щыIэм ипресс-къулыкъу къызэритыгъэмкIэ, Iофым хэхъухьэгъэ шъыпкъэр мы уахътэм зэхафы.