Коронавирусым пэуцужьырэ вакцинэр зыщахалъхьэрэ мо­бильнэ комплексэу культурэм и Унэу «Гигантым» хэтым бэ­дзэ­огъум и 20-м къыщыублагъэу иIофшIэгъу уахътэ зэхъо­кIы­ныгъэ фашIыгъ.

Адыгеим псауныгъэр къэухъумэгъэ­нымкIэ и Министерствэ къызэритырэмкIэ, мы мобильнэ комплексым джы сменитIоу Iоф ешIэ, сыхьатыр 10-м къыщыублагъэу 20.00-м нэс. Джащ фэдэу Мыекъопэ къэлэ поликлиникэм иотделениехэм при-вивкэ зыщашIырэ япунктхэу урамэу Жуковскэм, 18-м, урамэу Комсомольскэм, 159-м, Чкаловым ыцIэ зыхьырэ урамым, 77-м, Я 7-рэ переулкэм, 16-м, урамэу Школьнэм, 182-м ащыIэхэми къэлэдэсхэр якIолIэнхэ алъэкIыщт.

Ахэм Iоф зэрашIэрэр: IофшIэгъу ма­фэхэм — сыхьатыр 9.00-м къыщыублагъэу 16.00-м нэс;

Зыгъэпсэфыгъо мафэхэм — сыхьатыр 9.00-м къыщыублагъэу 13.00-м нэс.

Мы мафэм ехъулIэу Адыгеим щыпсэурэ нэбгырэ мин 77-м ехъумэ вакцинэр зыхарагъэлъхьагъ.