Прививкэ зыщашIыщт пункт къызэIуахыгъ
Зэпахырэ коронавирус узым пэшIуекIорэ прививкэр цIыфхэм зэIухыгъэу зыхырагъэлъхьан алъэкIынэу Адыгэ къэралыгъо технологическэ университетым иIофышIэхэм апае вакцинацием ипункт къыщызэIуахыгъ.
Вакцинэу ахалъхьэрэр Гам-КОВИД-Вак (Спутник V) зыфиIорэр ары. Пунктыр Iэмэ- псымэхэмкIэ зэтегъэпсыхьагъ, вакцинэр зыщаIыгъырэ гъэучъыIалъэр чIэт.
Пунктым иапэрэ IофшIэн мафэм вакцинэр зыщыхаригъэлъхьагъ Адыгэ къэралыгъо технологическэ университетым иректорэу Къуижъ Саидэ.
— Гупсэф, зыпарэми укIон ищыкIагъэп, уипсауныгъэ къэухъумэным фэшI прививкэ зябгъэшIын фае, — аIо университетым иIофышIэхэм.
Вакцинациер мэфищэ, бэдзэогъум и 14-м къыщегъэжьагъэу и 16-м нэс университетым щыкIощт. Пчэдыжьым сыхьатыр 9-м къыщегъэжьагъэу 13.00-м нэс университетым издравпункт пэшIорыгъэшъэу зыхырагъэтхэн алъэкIыщт.