КIэлэцIыкIоу зыныбжь илъэси 7-м шIомыкIыгъэр къэсымэджагъэмэ, ащ янэ, ятэ е нэмыкIэу IофшIапIэм къыIукIи ащ пэсыгъэм «больничнэхэр» проценти 100-у къыфалъытэнхэм кIэщакIо фэхъугъ УФ-м и Президентэу Владимир Путиныр.

НахьыпэкIэ цIыфым IофшIэгъэ илъэсэу иIэр зыфэдизыр къыдалъытэзэ сабыим зыщыпэсыгъэ мафэхэм къакIэкIощтыр агъэ­нафэщтыгъ. Къэралыгъом ипащэ ар мытэрэзэу ылъытагъ ыкIи ащ унашъоу ышIыгъэм тетэу джы лэжьапкIэр, гурытымкIэ лъытагъэу, зэрэхъурэм фэ- диз «больничнэу» къаратыщт.

Iоныгъо мазэм и 1-м къыщегъэжьагъэу ащ фэгъэхьыгъэ законым кIуачIэ иIэ мэхъу. УФ-м и Правительствэ и Тхьаматэу Михаил Мишустиным къызэриIуагъэмкIэ, ащ пэIуагъэхьанэу ахъщэ тедзэу сомэ миллиард УФ-м иминист­рэхэм я Кабинет ыгъэнэфагъ.

Ны-ты ныбжьыкIэу IофшIэгъэ илъэсыбэ рагъэкъунэу джыри игъо имыфагъэхэмкIэ ар IэпыIэгъушхо хъущт. IофшIапIэр къэзытыхэрэми мыр анэсыщтэп, сыда пIомэ, социальнэ страхованиемкIэ Фондыр ары ахъщэр» къэзытыщтыр.