Хьыкум приставхэм я Мыекъопэ район отделрэ гъогуры­кIоныр щынэгъончъэнымкIэ Къэралыгъо автоинспекцием и ГъэIорышIапIэу Адыгеим щыIэмрэ якъулыкъушIэхэр зэ­гъусэхэу чIыфэ зытелъ водительхэр къыхэгъэщыгъэнхэм фытегъэпсыхьэгъэ Iофтхьабзэ рагъэкIокIыгъ.

КъулыкъушIэхэм ащ пае видео тезыхырэ ыкIи къэ­ралыгъо регистрационнэ тамыгъэхэр зыгъэунэфырэ пкъыгъохэр агъэфедагъэх.

Гъогум къырычъэрэ автомобильхэм чыжьэкIэ алъыплъэхэзэ, чIыфэ зытелъ водительхэр хэбзэу­хъумакIохэм къыхагъэ­щыгъэх. Къагъэуцугъэ ав­тотранспортым ируль кIэрысым изекIуакIэ зэ­рэмытэрэзыр, хэбзэгъэуцугъэр зэриукъорэр, чIы­фэр игъом къыпщынын зэрэфаер гурагъэIуагъ.

Мы мэфэ дэдэм во­дительхэм ащыщхэм чIы­фэхэр къапщыныжьыгъэх, ау нэбгыри 6-мэ пытагъэ хэлъэу адэзекIуагъэх, ахэм ямашинэхэм арест атыралъхьагъ. ПIалъэу къа­фагъэуцугъэм ехъулIэу чIыфэр къызамытыжькIэ, яавтомобильхэр ащэщтых.

Мыщ фэдэ Iофтхьа­бзэ­хэр республикэм ирайонхэм зэкIэми ащыкIуагъэх. ЧIыфэ шъутелъмэ е нэмыкI къэбар зэжъугъэшIэнэу шъуфаемэ, хьыкум приставхэм я Федеральнэ къулыкъу АдыгеимкIэ и ГъэIорышIапIэ исайтэу «r.01fssp.gov.ru» зыфиIорэм иамалхэр къыз­фэжъугъэфедэнхэ шъулъэкIыщт.

Хьыкум приставхэм я Федеральнэ къулыкъу АдыгеимкIэ и ГъэIоры­шIапIэ ипресс-къулыкъу