Урысые Федерацием и Правительствэ иунашъоу N 1479-р зытетэу 2020-рэ илъэсым Iоныгъом и 16-м къыдэкIыгъэм тегъэпсыхьагъэу 2021-рэ илъэсым щылэ мазэм и 1-м машIом зыкъымыштэнымкIэ ШэпхъакIэхэр аухэсыгъэх.

ЩыIэныгъэм ыкIи производствэм илъэныкъо зэфэшъхьафхэм ахэр япхыгъэх. МэшIо шхъэихыгъэхэу хэкIым игъэстынкIэ агъэфедэхэрэри ащ къыхеубытэх.

Чъыгхатэхэм ыкIи унэе чIыпIэхэм гъомылапхъэм игъэхьазырынкIэ ащашIырэ машIохэмкIэ шэпхъэ гъэнэфагъэхэр щыIэх:

1) гъучI хьакухэр, мангалхэр ары машIо зыщашIы хъущтхэр;

2) псэуалъэм метри 5-м нахь пэблагъэу ахэр щытынхэу щытэп;

3) мангалыр тхьэпэ гъугъэхэм метри 2-м нахь апэблэгъэнэу щытэп. ЗыгорэкIэ мангалыр унэм, къакъырым ыкIи нэмыкI псэуалъэ горэм метри 5-м нахь макIэу апэчыжьэ зыхъукIэ, лыр (шашлыкыр) щыбгъажъэ хъущтэп.

ХэкIыр зыщыбгъэсты хъущт-мыхъущтымкIэ пшъэрылъэу къэуцухэрэр мыщ фэдэх:

икууагъэкIэ сантиметрэ 30-м нахь мымакIэу, идиаметрэкIэ зы метрэм къащымыкIэу щытын фае машэу машIо зыщышъушIыщтыр – сыд фэдэрэ псэуалъи метрэ 50-кIэ ар апэIудзыгъэн, хвое чъыгхэм метри 100-кIэ апэчыжьэн фае;

2) мыстырэ материалхэм ахэшIыкIыгъэ пхъэчайхэр, бакхэр (яинагъэкIэ зы кубическэ метрэм нахь мыинхэу) къемыбэджынхэу пытэу агъэуцухэшъ, ахэм машIо арашIыхьэ. Ахэр метрэ 25-кIэ псэуалъэхэм, метрэ 50-кIэ хвое чъыгхэм апэчыжьэнхэ фае.

Къалэу МыекъуапэкIэ ыкIи Мыекъопэ районымкIэ къэралыгъо инспекторэу З.А. Бэрэтар.