Лъэпкъ проектэу «Щынэгъончъэ ыкIи шэпхъэшIухэм ади­­штэрэ гъогухэр» зыфиIорэм игъэцэкIэн къыдыхэ­лъы­тагъэу Мыекъуапэ хэхьэрэ гъогу чIыпIи 4-мэ мы илъэ­сым гъэцэкIэжьынхэр ащыкIощтых. Къутырэу Ко­сино­вым екIуалIэрэм изэтегъэпсыхьан IофшIэнхэу епхы­гъэ­хэр непэ макIох.

ПсэупIэм екIолIэрэ гъогум къыхиубытэрэ Iа­хьэу километри 3,98-рэ зикIыхьагъэр зыгъэцэ­кIэжьырэр «Шэуджэн ДРСУ-р» ары. Зэзэгъыныгъэу зыкIэтхагъэхэм къызэригъэнафэу, зэкIэмкIи ащ сомэ миллион 37,7-рэ пэIуагъэхьащт.

IофшIэнхэм къады­хэлъытагъэу гъогум ас­фальтбетон тыралъхьащт, тамыгъэ 12 тырагъэу­цощт, нэмыкIхэр рашIы­лIэщтых.

IофшIэнхэр зэрэлъыкIуатэхэрэр зэрагъэлъэгъугъ Адыгеяавтодорым илIыкIохэм. ГъэцэкIэ­жьын­хэр зэрэкIохэрэм язэфэхьысыжьхэм зэра­лъыплъэхэрэм дакIоу, гъогу лабораторием икъу­лыкъушIэхэм асфальтым изэхэтыкIэ ауплъэкIунэу ащ изы Iахь аштагъ.

Ащ фэдэ уплъэкIун-­лъыплъэн IофшIэныр Адыгеяавтодорым зэпигъэурэп, проектым къыдыхэлъытэгъэ лъэныкъо пстэури зэрифэшъуашэу республикэм, тикъэлэ шъхьаIэ ащыгъэцэкIэ­гъэным ынаIэ тет.