Бэдзэогъум и 9-м ипчэдыжь сыхьатыр 10-м ехъулIэу оперативнэ штабым къыIэкIэхьэгъэ къэбарымкIэ, Адыгеим зэпахырэ узхэмкIэ исымэджэщ зы нэбгырэ ищыIэныгъэ щызэпыугъ.

Зидунай зыхъожьыгъэ хъулъфыгъэр Шэуджэн районым щы­псэущтыгъ. Лабораторнэ уплъэ­кIунхэм къызэрагъэлъэгъуа­гъэмкIэ, зэрылIыкIыгъэр зэпа­хырэ узыкIэу COVID-19-р ары.

Зигугъу къэтшIыгъэ уахътэм ехъулIэу зэпахырэ узэу коронавирусыр Адыгеим щыпсэурэ нэбгырэ 15343-мэ къахагъэ­щыгъ.

Ахэм ащыщэу нэбгырэ 508-мэ яIазэх (чэщ-зыма­фэм къыхэхъуагъэр нэ­бгырэ 41-рэ), хъужьыгъэр нэбгырэ 14571-рэ (чэщ-зымафэм  хэхъуагъэр 15), зидунай зыхъожьыгъэр — 264-рэ (чэщ-зымафэм зы нэбгырэ хэхъуагъ).

Нэбгырэ 15343-р республикэм имуниципальнэ псэупIэхэм атегоща­гъэу:

— Мыекъуапэ — 6159-рэ;

— Тэхъутэмыкъое районыр— 2151-рэ;

— Мыекъопэ районыр —2069-рэ;

— Кощхьэблэ районыр —1126-рэ;

— Красногвардейскэ районыр —1067-рэ;

— Джэджэ районыр —816-рэ;

— Теуцожь районыр —709-рэ;

— Адыгэкъалэ — 671-рэ;

— Шэуджэн районыр —575-рэ.