ЦIэрыIо хъущтхэу тагъэгугъэ
Мыекъопэ гандбол командэу «АГУ-Адыифым» зыщызыгъэсэрэ пшъашъэхэр Урысыем ихэшыпыкIыгъэ командэхэм аштагъэх.
Дарина Никулинар илъэс 21-м нэс зыныбжьхэр зыхэт командэм щешIэ. Мыекъопэ пшъашъэр Урысыем ихэшыпыкIыгъэ ныбжьыкIэ командэ аштагъэу Европэм изэнэкъокъу хэлажьэ. ЗэIукIэгъухэр Словением щызэхащагъэх.
Дарина Никулинар къэлапчъэм Iэгуаор анахьыбэрэ дэзыдзэрэмэ ащыщ, иIэпэIэсэныгъэ хэпшIыкIэу псынкIэу хегъахъо.
Диана Казихановар пляжнэ гандболымкIэ Урысыем ихэшыпыкIыгъэ командэ щешIэ. Европэм изэнэкъокъоу Болгарием щыкIорэм хэлажьэ.
Алина Казанджян Урысыем ихэшыпыкIыгъэ ныбжьыкIэ командэ хэт. Илъэс 19-м нэс зыныбжь пшъашъэхэм егъэджэн-зыгъэсэн зэIукIэгъухэр афызэхащагъэх.
Звенигород гандбол ешIакIохэр щыIэхэу Iоф зыдашIэжьы. ЯIэпэIэсэныгъэкIэ нахь къахэщыхэрэр, хэгъэгум ихэшыпыкIыгъэ командэ иешIакIэ диштэхэрэр командэм къыхэнэщтых, дунэе зэIукIэгъухэм зафагъэхьазырыщт.
— Сэнаущыгъэ зыхэлъ ныбжьыкIабэ тикомандэ щешIэ, — къытиIуагъ «АГУ-Адыифым» итре-нер шъхьаIэу, Урысыем изаслуженнэ тренерэу Александр Реввэ. — Дунэе зэнэкъокъухэм, Олимпиадэ джэгунхэм ахэлэжьэнхэ алъэкIыщтэу тагъэгугъэ.