Урысыем иныбжьыкIэхэм яя V-рэ Спартакиадэ хахьэхэрэ зэIукIэ­гъу­хэр кушъхьэфэчъэ спортымкIэ Ро­стов-на-Дону щыкIуагъэх.

Адыгэ Республикэм кушъхьэфэчъэ спортымкIэ иеджапIэ зыщызыгъэсэрэ Гюнель Мехтиевам зэнэкъо­къум дышъэ медалыр къыщыди­хыгъ.

Пшъашъэхэр купым хэтхэу тре­кым яIэпэIэсэныгъэ къыщагъэлъэгъуагъ. Ауж къинэрэр зэнэкъокъум хэзызэ трекыр къакIугъ. Гюнель Мехтиевар шIыкIэшIухэм алъыхъузэ, икъулайкIэ къахэщыгъ, апэрэ чIыпIэр къыдихыгъ.

Бэдзэогъум и 1-м шъхьэзэкъо зэнэкъокъухэр Ростов-на-Дону щызэхащагъэх. Километри 4-р къыза­кIум, Г. Мехтиевам тыжьыныр къы­­хьыгъ.

Адыгэ Республикэм ихэшыпы­кIыгъэ командэ Гюнель Мехтиевар хэтэу километри 4 къэзыкIу­гъэхэм язэнэкъокъу хэлэжьагъ, ящэ­нэрэ чIыпIэр къыдихыгъ.

Адыгэ Республикэм изаслуженнэ тренерэу Алексей Войновыр Гюнель Мехтиевам ипащ. Ащ зэри­лъытэрэмкIэ, спортсменкэ ныбжьыкIэм иIэпэIэсэныгъэ хэпшIыкIэу хе­гъахъо. Гуетыныгъэ хэлъэу зи­чэзыу зэнэкъокъухэм зафегъэ­хьазыры.