Адыгэ Республикэм и ЛIышъхьэу, партиеу «Единэ Россием» и Апшъэрэ Совет хэтэу, партиеу «Единэ Россием» и Адыгэ шъолъыр къутамэ и Секретарэу, Урысые Федерацием и Къэралыгъо Совет ипрезидиум хэтэу М. Къ. КъумпIылым фэкIо Лъытэныгъэ зыфэтшIэу Мурат Къэралбый ыкъор!
Адыгэ Республикэм исоциальнэ-экономикэ хэхъоныгъэ уиIахьышхо зэрэхэпшIыхьэрэм фэшI хэгъэгум ипащэ Щытхъум иорден къызэрэпфигъэшъошагъэм пае Адыгэ Республикэм инахьыжъхэм я Советрэ иветеранхэм я Советрэ къыпфэгушIох!
Республикэм пэщэныгъэ зыдызепхьэрэ пIалъэр ащ фэдизэу мыинми, ащ исоциальнэ-экономикэ ыкIи икультурнэ хэхъоныгъэкIэ апшъэрэ мэхьанэ зиIэ лъэныкъохэр бгъэунэфынхэ плъэкIыгъ, республикэм иобщественнэ-политикэ щыIакIэ нахь чаныгъэ хэплъхьагъ, пшъэрылъхэу щытхэм ягъэцэкIэн цIыф жъугъэхэм акIуачIэ фэуузэнкIын плъэкIыгъ. А пстэуми яшIуагъэкIэ республикэм щыпсэурэ цIыфхэм ящыIакIэ хэпшIыкIэу нахьышIу хъоу фежьагъ. Экономикэм, социальнэ ыкIи культурнэ лъэныкъом тапэкIи хэхъоныгъэ зэрашIыщтым епхыгъэ Iофтхьабзэхэу пхырыпщыхэрэм цIыф лъэпкъыбэу Адыгеим щыпсэухэрэм, заомрэ IофшIэнымрэ яветеранхэм къадырагъаштэ.
Лъытэныгъэ зыфэтшIэу Мурат Къэралбый ыкъор, псауныгъэ пытэ, щыIэкIэшIу уиIэнэу, Адыгеимрэ Урысые Федерациемрэ яфедэ зыхэлъ Iофышхоу бгъэцакIэрэм тапэкIи гъэхъагъэхэр щыпшIынхэу пфэтэIо!
Нахьыжъхэм я Совет итхьаматэу ГъукIэлI Нурбый
Ветеранхэм я Совет итхьаматэу Къуаджэ Аслъан