Коронавирусыр къызэузыхэрэм япчъагъэ зэрэхэхъуагъэм ыпкъ къи­кIыкIэ республикэм иковиднэ сымэ­джэщхэм чIыпIэхэм ащахагъэхъонэу Адыгеим и ЛIышъхьэу КъумпIыл Му­рат унашъо ышIыгъ.

Ащ къыдыхэлъытагъэу, Мыекъопэ къэлэ сымэджэщым хирургиемкIэ иотделение госпиталь ашIыгъ ыкIи нэбгыри 100 мыщ чIагъэгъолъхьан алъэкIыщт. ПстэумкIи коронавирусыр къызэузырэ сымаджэхэм апае шъолъырым чIыпIэ 320-рэ къыщызэIуахыгъ: 220-р — зэпахырэ узхэм зыщяIэзэхэрэ сымэджэщым, 100-р — Мыекъопэ къэлэ сымэджэщым.

Вакцинациер етIупщыгъэу Адыгеим щэкIо. Мы мафэм ехъулIэу республикэм щыпсэурэ нэбгырэ мин 50-м ехъумэ коронавирусым пэуцужьырэ вакцинэр ахалъхьагъ.