Тэхъутэмыкъое районым щыпсэурэ хъулъфыгъэм ифэтэр арест зытыралъхьэм ыуж кIэлэпIупкIэм итынкIэ чIыфэу зэIуигъэкIагъэр къыпщыныжьыгъ.

Хьыкумым унашъоу ышIыгъэмкIэ, хъулъфыгъэм зыныбжь имыкъугъэ исабый ахъщэ фызэкIигъэкIожьын фэягъэ. Хьыкум приставым чIыфэр зыфэдизыр къылъытагъ, ар сомэ мин 440-м ехъугъ.

Хьыкум пристав-гъэцэкIакIом хъулъфыгъэм мылъкоу иIэр ыуплъэкIузэ, фэтэр зэрэтетхагъэр къыхигъэщыгъ ыкIи ащ арест тырилъхьагъ. Ащ ыуж чIыфэу зэIуигъэкIагъэр хъулъфыгъэм къыпщыныжьыгъ. Джащ фэдэу Iофыр зэхэзыфыгъэ хьыкум приставхэм сомэ мин 30 афызэкIигъэкIожьыгъ.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.