Урысыем ибиблиотекэхэм яIофышIэхэм япрофессиональнэ мэфэкI бэшIагъэп зыхагъэунэфыкIыгъэр. А мафэм ПсышIопэ библиотечнэ системэ гупчэм иIофышIэ чанхэми афэгушIуагъэх.

— МэфэкIым фэгъэхьыгъэу IофышIэ купым шIухьафтынхэр къаратыгъэх. ПсышIопэ библиотечнэ системэм ипащэу Тхьагъушъэ Мариетрэ район библиотекэ гупчэм иIофышIэ шъхьаIэу Гъошъо Маринэрэ къалэу Шъачэ иадминистрацие ипащэ щытхъу тхылъхэр къафигъэшъошагъэх. ПсэупIэу Шэхапэ дэт библиотекэм ибиблиотекарь шъхьаIэу Нэпсэу Светланэ рэзэныгъэ тхылъ къыратыгъ.

Къэлэ администрацием культурэмкIэ игъэIорышIапIэ и Щытхъу тхылъ район библиотекэм иотдел ипащэу Светлана Савостинам къылэжьыгъ.

ПсэупIэу Горное Лоо ибиблиотекэ ипащэу Марина Линовскаям, ШIоикъо дэтым иIофы­шIэу Кобл Зурет, кIэлэцIыкIу библиотекэм ибиблиотекарэу Елена Шевцовар рэзэныгъэ тхылъхэмкIэ агъэгушIуагъэх.

Джыри зы къэбар гушIуагъу. Краснодар краимкIэ культурэм иIофышIэхэм япрофсоюз зэхищэгъэгъэ шъолъыр зэнэ­къокъоу «2020-рэ илъэсым ианахь пэщэ дэгъур» зыфиIорэм ПсышIопэ библиотечнэ системэм идиректорэу Тхьагъушъэ Мариет апэрэ чIыпIэр къыщыдихыгъ. Дипломыр Пшызэ шъо­лъырымкIэ культурэм изаслуженнэ Iофы­шIэу Анна Желнаковам ащ къыритыжьыгъ.