Мыекъуапэ бэрэ щызэхащэрэ фестиваль-зэнэкъокъоу «Адыгеим ижъогъо цIыкIухэр» зыфиIорэм ПсышIопэ районым адыгэ культурэм игупчэу дэтым инароднэ къэшъокIо ансамблэу «Шапсыгъ» зыфиIорэр ренэу хэлажьэ.

КъэшъокIо цIыкIухэр хореографхэу Тарчэкъо Бибэрэ Муратрэ зыгъасэхэрэр. Илъэс зэфэшъхьафхэм коллективым хэтхэр нахь дэгъоу зыкъэз­гъэлъагъохэрэм ахафэх.

Мы илъэсыми номинациеу «хореография» зыфиIорэмкIэ апэрэ степень зиIэ дипломыр фестивалым къыщыдахыгъ. Гупчэм идиректорэу, Адыгэ Республикэм культурэмкIэ иза­служеннэ IофышIэу Хэйшх Руслъан фестиваль-зэнэкъо­къум кIэлэцIыкIу 500 фэдиз Урысыем ичIыпIэ зэфэшъхьафхэм ыкIи IэкIыб хэгъэгуи 10-мэ къарыкIыгъэхэу зэрэзэрипхыгъэхэр къыIуагъ. Хэгъэгум щыщхэ коллективхэм якъэгъэлъэгъонхэр сценэм щыкIуагъэх, IэкIыб хэгъэгухэм яартист цIыкIухэм якъэгъэлъэгъонхэр онлайн шIыкIэм тетэу кIуагъэх. Фестивалыр кIэлэцIыкIу творчествэм имэфэкI шъыпкъэ хъугъэ.