Къушъхьэм хэт адыгэ къуаджэу ШIоикъо культурэм и Унэу дэтым гъэцэкIэжьын Iофхэр щылъагъэкIуатэх. Георгиевскэ псэупIэ зыгъэIорышIэжьыпIэм ипащэу Къоджэшъэо Инвербый къы­Iотагъ мы лъэхъаным джэхашъом телъ пхъэмбгъухэр зэрэзэблахъу­хэрэр, плиткэхэм ятелъхьан зэрэрагъэжьагъэр.

Клубым игъэцэкIэжьынкIэ Краснодар краим и Хэбзэгъэуцу ЗэIукIэ ишIуагъэ къаригъэкIыгъ. ТапэкIэ агъэкIэжьрэ залым пае кIэу пхъэнтIэкIухэр къащэфыщтых, цIыфхэм гупсэфэу зызэрэщагъэпсэфынэу ар агъэкIэрэкIэжьыщт.