ЧIыфэр къыпщыныжьыгъ
Теуцожь районым щыпсэурэ бзылъфыгъэм ичIыгу Iахьхэр ыгъэфедэнхэ амал иIэным пае чIыфэшхоу телъыгъэр къызэкIигъэкIожьыгъ.
ХэбзэIахьхэм ыкIи тазырхэм алъэныкъокIэ бзылъфыгъэм чIыфэу зэIуигъэкIагъэр сомэ миллионым кIэхьагъ. Ащ къыхэкIыкIэ Iоф къыфызэIуахыгъ.
Хьыкум пристав-гъэцэкIакIор бзылъфыгъэм дэжь щыIагъ, Iоф къызэрэфызэIуахыгъэр, бырсыр хэмыфэным пае ежь-ежьырэу чIыфэр къыпщыныжьын зэрэфаер гуригъэIуагъ. Джащ фэдэу ащ тетхэгъэ чIыгу Iахьхэр ыгъэфедэнхэ фимытэу унашъо ашIыгъ.
Ащ ыуж бзылъфыгъэм телъ чIыфэр зэкIэ къызэкIигъэкIожьыгъ, Iофыр зэхэзыфыгъэ хьыкум приставхэм ясомэ мин 40-и счетым афиригъэхьажьыгъ.