Дышъэу медалищ
Урысыем иныбжьыкIэхэу илъэс 23-м нэс зыныбжьхэм язэнэкъокъу атлетикэ онтэгъумкIэ къалэу Салават щыкIуагъ.
Адыгэ Республикэм атлетикэ онтэгъумкIэ испорт еджапIэу М. Чыржьыным ыцIэ зыхьырэм зыщызыгъэсэрэ Артем Горловым апэрэ чIыпIэр къыдихыгъ. Килограмм 81-м нэс къэзыщэчыхэрэм якуп хэтэу тIоштэгъум кг 319-рэ къыщиIэтыгъ (145+174-рэ). Рывокым ыкIи толчокым дышъэр къащихьыгъ. ТIоштэгъуми дышъэр къыщыдихыгъ.
Дышъэ медалищыр къызыфагъэшъошэгъэ батырыр Инэм щэпсэу, мыгъэ гурыт еджапIэу N 25-р къыухыгъ. Тренерхэу Александр Горловымрэ Роман Казаковымрэ щылычым ебэныгъэ Артем Горловыр агъасэ. Тренерхэм, кIэлэегъаджэм, батырым тафэгушIо!
Сахьидэкъо Нурбый.
Сурэтым итыр: Артем Горловым фэгушIох.