УзыкIэу къежьагъэм аужырэ уахътэм щыIэныгъабэ зэрэзыдихьырэр пчъагъэхэм къагъэлъагъо. Къыхэгъэщыгъэн фае, джырэ уахътэ коро­навирусым зызэрихъокIыгъэу, нахь псынкIэу цIыфхэм зэпахыжьы, илIыкIыхэрэри нахьыбэ мэхъух.

Анахьэу зыфэсакъыжьынхэ фаехэр зыныбжь илъэс 60-м шIокIыгъэхэр арых.

Мэкъуогъу мазэм и 29-м ипчэдыжь сыхьатыр 10-м ехъу­лIэу Адыгеим зэпахырэ узхэмкIэ исымэджэщ джыри зы нэ­бгырэ ищыIэныгъэ щызэпыугъ.

Ар Мыекъуапэ щыпсэущтыгъэ хъулъфыгъ. Лабораторнэ уплъэкIунхэм къызэрагъэлъэ­гъуа­гъэмкIэ, зэрылIыкIыгъэр зэ­пахырэ узыкIэу COVID-19-р ары.

Зигугъу къэтшIыгъэ уахътэм ехъулIэу зэпахырэ узэу коронавирусыр Адыгеим щыпсэурэ нэбгырэ 15024-мэ къахагъэ­щыгъ.

Ахэм ащыщэу нэбгырэ 342-мэ яIазэх (чэщ-зымафэм къыхэ­хъуагъэр нэбгырэ 25-рэ), хъу­жьыгъэр нэбгырэ 14436-рэ (чэщ­-зымафэм хэхъуагъэр 11), зидунай зыхъожьыгъэр — 246-рэ (чэщ-зымафэм 1 нэбгырэ хэ­хъуагъ).

Нэбгырэ 15024-р респуб­ликэм имуниципальнэ псэупIэхэм атегоща­гъэу:

— Мыекъуапэ — 6028-рэ; — Тэхъутэмыкъое районыр — 2085-рэ; — Мыекъопэ районыр — 2038-рэ; — Кощхьэблэ районыр — 1106-рэ; — Красногвардейскэ районыр — 1053-рэ; — Джэджэ районыр — 804-рэ; — Теуцожь районыр —694-рэ; — Адыгэкъалэ — 654-рэ; — Шэуджэн районыр —562-рэ.