Амыгъэунэфыгъэ бзэджашIэхэм хэбзэнчъэу наркотикхэр зэращэхэрэм икъэбар Мыекъопэ районым иопера­тив­никхэм къаIэкIэхьагъ.

Ар ауплъэкIузэ, илъэс 33-рэ зыныбжь хъулъфыгъэу мы муниципалитетым щы­псэурэм илъэс 33-рэ зыныбжь хъулъ­фыгъэм хэбзэгъэуцугъэр ыукъогъэн ылъэкIыщтэу агъэунэфыгъ.

Ащ къыхэкIыкIэ хъулъфыгъэм пэ­шIорыгъэшъэу наркотикхэр къыщащэфыхэу полицейскэхэм рахъухьагъ ыкIи кIэп грамми 5 ыIыгъэу ар къаубытыгъ.

Мы мэфэ дэдэм УФ-м хэгъэгу кIоцI IофхэмкIэ и Министерствэ Мыекъопэ районымкIэ иследственнэ отдел уголовнэ Iоф къызэIуихыгъ. Хъулъфыгъэм илажьэ загъэунэфыкIэ, илъэси 8-м нэс хьапс къыхьын ылъэкIыщт.

Джащ фэдэу мы хъулъфыгъэм яти унэм Iашэ щигъэбылъын ылъэкIыщтэу хэбзэухъумакIохэм къэбар къа­IэкIэхьагъ. Ари шъыпкъэу къычIэкIыгъ.

Мэкъуогъум имафэ горэм опера­тивникхэм лъыхъон Iофтхьабзэхэр рагъэкIокIыгъэх. Илъэс 62-рэ зыныбжь хъулъфыгъэм ипсэупIи, ащ къыпыщылъ чIыпIэри къаплъыхьагъэх. Унэ кIоцIым Iашэрэ щэ зэфэшъхьафхэмрэ къырагъо­тагъэх.

ХэбзэухъумакIохэм Iофтхьабзэр лъагъэкIуатэзэ хатэми дэхьагъэх. Ащи кIэп кошэ 29-рэ къыщагъо­тыгъ.

Мы уахътэм экспертизэр рагъэ­кIокIы, ащ изэфэхьысыжьхэм ялъы­тыгъэу унашъо ашIыщт.

Адыгеим хэгъэгу кIоцI IофхэмкIэ и Министерствэ ипресс-къулыкъу