Унэхэм псыр акIэхьагъ
Ощхэу къещхыгъэхэм апкъ къикIыкIэ Мыекъопэ районым ит псэупIэу Къурджыпс дэт унэ 20-мэ псыр арыхьагъ, 60-мэ къапыщылъ щагумэ адэхьагъ.
ОшIэ-дэмышIэ IофхэмкIэ къулыкъум къызэритыгъэмкIэ, тыгъоспчэдыжь сыхьатыр 8-м ехъулIэу псэупIэхэм псыр арытыжьыгъэп, цIыфхэр агъэкощынхэу щытхэп. ИщыкIагъэ хъумэ, культурэм и Унэ охътэ гъэнэфагъэм шъхьэегъэзыпIэ афэхъунэу нэбгырэ 60-мэ ателъытэгъэ чIыпIэхэр щыхьазырых.
Социальнэ мэхьанэ зиIэ псэуалъэхэм псыр акIэхьагъэп.
Мыекъопэ район администрацием зэрарым икъэлъытэн тегъэпсыхьэгъэ оперативнэ штабым Iоф щешIэ.
Iофхэм язытет Адыгеим и ЛIышъхьэу КъумпIыл Мурат къыфаIуатэ, чIэнагъэ зиIэ хъугъэхэм IэпыIэгъу арагъэгъотынэу ащ пшъэрылъ афишIыгъ.
ОшIэ-дэмышIэ IофхэмкIэ къулыкъум макъэ къегъэIу джыри ощххэр зэрэщыIэщтхэмкIэ, гъэIорышIэпIэ ШъхьаIэми гъэлъэшыгъэу мы Iофыгъом ынаIэ тет.