УФ-м и Къэралыгъо Думэ идепутатхэм ящэнэрэ еджэгъумкIэ аштэгъэ хэбзэ­гъэуцугъэм къызэригъэнафэрэмкIэ, ешъуагъэу машинэр зезыфэрэ води­телыр ятIонэрэу къызаубытыкIэ (ыпэкIэ агъэпщынагъэу щытмэ), уголовнэ пшъэ­дэ­кIы­жьэу рагъэхьырэр нахь агъэлъэшыщт. Непэрэ мафэм ехъулIэу законыр зыукъуагъэм илъэси 2 хьапс тыралъхьэмэ, джы ар илъэси 3-м нэсыщт. Урысыем и Къэралыгъо Думэ и Тхьаматэу Вячеслав Во­лодиным къызэриIуагъэмкIэ, ешъуа­гъэу рулым кIэрытIысхьэхэрэм пшъэ­дэкIыжьэу арагъэхьырэр нахь зэрагъэлъэшыщтым ишIуагъэкIэ гъогухэм къатехъухьэхэрэ хъугъэ­-шIагъэхэм ыкIи ахэкIуадэхэрэм япчъагъэ нахь макIэ хъущт.

Къэралыгъо Думэм ыштэгъэ хэ­бзэгъэуцугъэм анахь шъхьаIэу къы­хэбгъэщын фаер ешъогъэ водителым ыпкъ къикIыкIэ (ыпэкIэ ар агъэпщынагъэу щытмэ) къэхъугъэ аварием цIыфхэр хэкIодагъэхэмэ е шъобж хахыгъэмэ уголовнэ пшъэ­дэкIыжьыр нахь зэрагъэлъэшыщтыр ары. Ащ фэдэхэм тазырэу атыралъхьэрэр сомэ мин шъищым щегъэ­жьагъэу мин шъитфым нэсыщт.

— ЩыIэх водительхэр, ешъуагъэу машинэр зэрэзэрафэрэм къыхэкIыкIэ авариехэр ашIыгъэхэу, ахэм цIыфхэр ахэкIодагъэхэу ыкIи шъобж хахыгъэу. Хэбзэгъэуцугъэр зыукъогъэ цIыфым къытыралъхьэгъэ пшъэ­дэкIыжьыр ыпщыныгъэу етIани ешъуагъэу рулым кIэрытIысхьагъэу бэрэ къыхэкIы. Ахэр нахь пхъашэу гъэпщынэгъэнхэм фэшI тазырыр сомэ мин 500-м нэтэгъэсы, уголовнэ пшъэдэкIыжьыр илъэсищым кIэтэгъахьэ, — къыIуагъ Вячеслав Володиным.

Урысыем и Къэралыгъо Думэ ипресс-къулыкъу