Коронавирусым пэуцужьыгъэнымкIэ вакцинэр зыхягъэлъхьэгъэным епхыгъэ упчIабэ цIыфхэм непэрэ уахътэм яI. Ахэм ащыщхэмкIэ джэуапхэр агъотыным пае «Стопкоронавирус» зыфиIорэ сайтым къыщытыгъэхэр дгъэфедагъэх.

Ковидым пэуцужьырэ прививкэр ясымыгъэшIымэ, IофшIапIэм сыкъыIуагъэкIын алъэкIыщта? — IофшIэнымкIэ кодексым къыделъытэ IофышIэр ипшъэ­рылъхэр ыгъэцэкIэнхэмкIэ фиты амышIын алъэкIынэу. УФ-м IофшIэнымкIэ и Кодекс ия 76- рэ статья иапэрэ Iахь ия 8-рэ абзац къегъэнафэ Кодексымрэ федеральнэ хэбзэгъэуцугъэ­хэмрэ къащаIорэм имызакъоу, УФ-м инэмыкI хэбзэ актхэмкIи ар зэрагъэцэкIэшъущтыр. Ахэм ащыщ Федеральнэ хэбзэгъэуцугъэу N157-ФЗ зытетэу «Зэпахырэ узхэр къэмыгъэхъу­гъэнхэмкIэ иммунитетыр зэ­тегъэуцогъэныр» зыфиIорэм къы­дилъытэхэрэр амыгъэца- кIэхэ зыхъукIэ. Ащ къыщеIо пэ­шIорыгъэшъ прививкэхэр зимыIэхэр IофшIапIэм амыштэнхэ зэралъэкIыщтыр е зэпахы-­ рэ узхэмкIэ къызщысымэджэнхэм ищынагъо зиIэ IофшIапIэм къызэрэIуагъэкIышъущтхэр. Ащ къикIырэр сымэджэнхэм ящынагъо щыIэу ыкIи узыр бэмэ апыхьанэу зыщыхъурэ уахътэм вакцинэр зэрящыкIагъэр ары. Сыдигъуа прививкэхэр зящыкIагъэр, сыд фэдэ къэгъэлъэгъонхэр щыIэхэ зыхъукIа? — Зэпахырэ уз щынагъо- хэр къэхъунхэм ыкIи ахэм заушъомбгъуным ищынагъо къызыуцукIэ, къэралыгъо санитарнэ врач шъхьаIэхэу ыкIи ахэм ягуадзэхэу Урысыем ишъолъыр­хэм ащылажьэхэрэм унашъохэр къыдагъэкIынхэ алъэкIыщт эпи­демическэ къэгъэлъэгъонхэм ялъытыгъэу цIыфхэм е цIыф купхэм пэшIорыгъэшъ прививкэхэр ягъэшIыгъэным фэгъэ­хьыгъэу. Ар къыщеIо Федеральнэ хэбзэгъэуцугъэу N 52-ФЗ зытетэу «ЦIыфхэм ясанитарнэ­эпидемиологическэ щыIакIэ ехьылIагъ» зыфиIорэм ия 51-рэ статья иапэрэ пункт ия 6-рэ подпункт. Ащ фэдэ фитыны­гъэхэр къащыушыхьатыжьыгъэх Федеральнэ хэбзэгъэуцугъэу N 157-ФЗ зытетэу «Зэпахырэ узхэр къэмыгъэхъугъэнхэмкIэ иммунитетыр зэтегъэуцогъэныр» зыфиIорэм ия 10-рэ статья ия 2-рэ пунктрэ псауныгъэр къэухъумэгъэнымкIэ министерствэм иунашъоу N 125н зытетэу «ПэшIорыгъэшъ прививкэхэм ялъэпкъ мэфэпчърэ эпидемическэ къэгъэлъэгъонхэм къапкъырыкIырэ пэшIо­рыгъэшъ прививкэхэм ялъэпкъ мэ­фэпчърэ гъэнэфэгъэнхэм яхьы­лIагъ» зыфиIорэмрэ.

Коронавирусым епхыгъэ вакцинациер пэшIоры­гъэшъ прививкэхэм ямэфэпчъ джыдэдэм хэта?

— Ары, эпидемическэ къэгъэлъэгъонэу щыIэхэм ялъы­тыгъэу коронавирусым пэуцу­жьырэ прививкэр пэшIорыгъэшъ прививкэхэм ямэфэпчъ хагъэ­хьагъ.

Ащ шIокI имыIэу мэхъу шъолъырым исанитарнэ врач шъхьаIэ унашъо къызишIыкIэ цIыф хэхыгъэхэр е купхэр вакцинацием къыхарагъэубытэн­хэ фаеу. Эпидемическэ къэ­гъэлъэгъонхэм къапкъырыкIэу мы унашъор шъолъырым исанитарнэ врач шъхьаIэ е ащ игуадзэ акткIэ загъэпсыкIэ, Iо­фышIэхэу а тхылъым къыщи­Iохэрэм апае вакцинацием шIокI имыIэу мэхъу.

Прививкэ зыфашIын фаер хэта зыгъэна­фэрэр?

— 2021-рэ илъэсым имэ­къуогъу мазэ ехъулIэу вакцинациемкIэ унашъохэр къэра­лы­гъом ишъолъыри 10-мэ ашIы­гъахэх. Ахэм къащытыгъэ IофышIэхэмкIэ вакцинацием шIокI имыIэу щыт. Узым зимыушъомбгъуным фэшI IофышIэхэм япроцентэу вакцинацием къы­хырагъэубытэн фаер зыфэдизри зыгъэнафэрэр джащ фэдэу шъолъырым исанитарнэ врач шъхьаI.

ШIокI имыIэу вакцинэр зыхалъхьан фаехэм къахимыубытэхэрэр «Гам-КОВИД-Вак», «ЭпиВакКорона» ыкIи «Ко­виВак» зыфиIорэ прививкэхэр зэрафашIыхэрэ шIыкIэхэу къатхыхьэхэрэмкIэ зипсауныгъэ изытеткIэ къызэмыкIущтхэр арых.

Сурэтыр Iэшъынэ Аслъан тырихыгъ.