Мэкъуогъу мазэм и 24-м ипчэдыжь сыхьатыр 10-м ехъулIэу оперативнэ штабым къыIэкIэхьэгъэ къэбарымкIэ, Адыге­им зэпахырэ узхэмкIэ исымэджэщ зы нэбгырэ, Теуцожь районым щыщ бзылъфыгъэм, ищыIэныгъэ щызэпыугъ. Лабо-раторнэ уплъэкIунхэм къызэрагъэлъэгъуагъэмкIэ, зэрылIы­кIы­гъэр зэпахырэ узыкIэу COVID-19-р ары.

Зигугъу къэтшIыгъэ уахътэм ехъулIэу зэпахырэ узэу коронавирусыр Адыгеим щыпсэурэ нэбгырэ 14931-мэ къахагъэщыгъ.

Ахэм ащыщэу нэбгырэ 317-мэ яIазэх (чэщ-зымафэм къыхэхъуагъэр нэбгырэ 15), хъужьыгъэр нэбгырэ 14379-рэ (чэщ-зымафэм хэхъуагъэр 12), зидунай зыхъожьыгъэр — 235-рэ (чэщ-зымафэм 1 нэбгырэ хэхъуагъ).

Нэбгырэ 14931-р республикэм иму­ниципальнэ псэупIэхэм атегощагъэу: — Мыекъуапэ — 5998-рэ; — Тэхъутэмыкъое районыр — 2067-рэ; — Мыекъопэ районыр — 2024-рэ; — Кощхьэблэ районыр — 1099-рэ; — Красногвардейскэ районыр — 1053-рэ; — Джэджэ районыр — 793-рэ; — Теуцожь районыр — 693-рэ; — Адыгэкъалэ — 646-рэ; — Шэуджэн районыр — 558-рэ.