Мэкъуогъум и 15-м Шытхьэлэ районым ящэнэрэ зе­кIом ихьадэ къыщагъотыжьыгъ. Псыхъоу Шъхьэгуащэ ар ыхьыгъ.

Шъугу къэдгъэкIыжьын, мы хъугъэ-шIэгъэ тхьамыкIагъор 2021-рэ илъэ­сым жъоныгъуакIэм и 8-м Мыекъопэ районым ипоселкэу Каменномостскэм къыщыхъугъ. Уплъэ­кIунхэм къызэрагъэлъэгъуагъэмкIэ, Астрахань хэкум къикIыгъэ нэ­бгыритIум Шъхьэгуащэ инэпкъ дэжь зыщагъэ­псэфыщтыгъ. А уахътэм ахэм язым сурэт зытыри­хынэу рихъухьагъ. Ащ пае ар псым хэхьагъ, ятIонэрэм мобильнэ телефоныр къышти, игъусэ сурэт тырихынэу уцугъэ. Псыхъом хэтыгъэр псы чъэрым рихьыжьагъ, ащ IэпыIэгъу фэхъун ыIуи инэIуасэ псым хэпкIагъ, ау ари рихьыжьагъ. А чIы­пIэм блэкIыщтыгъэ илъэс 36-рэ зыныбжь зекIор псым ытхьалэхэ­рэм IэпыIэгъу афэхъун ыIозэ, псым хэфагъ ыкIи нэбгырищри псыхъом ри­хьыжьагъэх.

Зидунай зыхъожьыгъэ хъулъфыгъэхэм ябынхэм ыкIи яIахьылхэм тафэ­тхьаусыхэ, якъин адэтэгощы.

Урысые Федера­цием и Следственнэ комитет иследственнэ ГъэIорышIапIэу Адыгеим щыIэр