Кавказ биосфернэ заповедникым игъэмэфэ зекIо марш­рутхэм якъызэIухын мэкъуогъум и 10-м рагъэжьагъ.

Заповедникым лъэсэу къыщакIухьанэу Iизын зэ­раратыгъэм фэгъэхьыгъэ унашъом заповедникым ипащэу Сергей Шевелевыр кIэтхэжьыгъ.

Маршрут пстэури къа­кIухьэзэ апэрапшIэу ахэм язытет зыфэдэр ауплъэ­кIугъ, лъагъохэр агъэкъэ­бзагъэх, осыр джыри зытелъхэр агъэнэфагъэх. УрыкIонкIэ мыщы­нагъоу къыхахыгъэ лъа­гъохэр ары апэ къызэ­Iуахыгъэхэр. Ахэм ащыщых я 30-рэ маршрутыр зэрэщытэу (А, Б, В, Г), я 8-м ыкIи я 13-рэ лъагъо­хэм ащыщхэр.

ТапэкIэ ахэм япчъагъэ къыхэхъощт. Къушъхьэтхы­хэм къяцохъохыгъэ ос-мыжъо зэхэлъым ыгъэфыкъогъэ лъагъохэр зыпкъ рагъэуцожьых.

Къушъхьэхэу Фыщтрэ Ошъутенэрэ маршрутхэм атехьэгъэ зыгъэпсэфа­кIо­хэр адэкIоенхэ зэрэ­фи­мытхэр С. Шевелевым къыIуагъ. ЦIыф купэу зекIо ежьагъэхэм ащыщ къу­шъхьэхэм адэкIоенэу зи­IокIэ, зекIо купым ар къы­хагъэкIын алъэкIыщт. Фыщтрэ Ошъутенэрэ марш­рутхэм ахэлъытагъэ­хэп, уизакъоу ахэм уадэ­кIоеныр щынагъо. МыдаIоу ежьэрэм ежь-ежьырэу ышъхьэ къыухъумэжьыныр ипшъэрылъ.

Кавказ заповедникым зыщызыплъыхьанэу ыкIи зыщызыгъэпсэфынэу къа­кIохэрэм атырэ ахъщэм мыгъэ къыхэхъуагъэп. Заповедникым узэрэхэхьащт пропускыр къаIыпхыщтмэ хэхьэпIэ пунктхэм яIофы­шIэхэм уителефон номер е уиэлектроннэ почтэ иад­рес къафэбгъэнэнэу щыт. Узэрэтеощт номерыр: 8-988-150-01-02.

(Тикорр.).