Партиеу «Единэ Россием» мы блэкIыгъэ илъэси 5-м Iо­фэу ышIагъэм изэфэхьысыжьхэм, анахьэу анаIэ зыты­рагъэтыгъэ лъэныкъохэм, цIыфхэм социальнэ IэпыIэгъу ягъэ­гъотыгъэным, щыIэкIэ-псэукIэр нахьышIу шIыгъэным, законопроектэу аштагъэхэм, нэмыкIэу зэшIуа­хы­гъэхэм пар­ти­ем илIыкIохэр къатегущыIагъэх.

ЩыIэныгъэм чIыпIэ къин ригъэуцогъэ унагъохэр (ахэм арыс кIэлэцIыкIухэм аныбжь екъуфэ) Iэпы­Iэгъум щыгугъынхэ алъэ­кIыщт. Сабый зэрыс унагъохэм яшIуагъэ арагъэ­кIыным фытегъэпсыхьэгъэ IофшIэным исистемэ гъэ­псыгъэным фэшI мы аужырэ илъэситфым «Единэ Россием» федеральнэ хэ­бзэгъэуцугъэм зэхъокIыныгъэхэр фишIыгъэх. Ащ илъэныкъо шъхьаIэу хъугъэр ны мылъкум ипрограммэ нахь зызэриу­шъомбгъугъэр ары.

Ны мылъкур сомэ мин 200 фэдизкIэ нахьыбэ хъу­гъэ, ар индексацие ашIы — ыпэкIэ арэущтэу щытыгъэп. Хэбзэгъэуцу­гъэм къызэригъэнафэ­рэмкIэ, мы тыныр джы уна­гъом къихъухьэгъэ апэ­рэ сабыйми къыIукIэзэ ышIыщт. Ар зэрэбгъэ­псыщт шIыкIэри нахь Iэ­рыфэгъу хъугъэ. ЦIыфхэр чэзыум хэтыжьынхэ, тхьапэхэр агъэхьазырынхэ ищы­кIэгъэжьэп. Ны мылъкур зэрэбгъэфедэн плъэ­кIыщт шIыкIэми нахь зиу­шъомбгъугъ — джы ар унэм ишIын пэIубгъэхьан плъэкIыщт.

Сабыибэ зэрыс уна­гъохэм япсэупIэ амалхэр нахьышIу ашIыным фытегъэпсыхьагъ сомэ мин 450-рэ хъурэ тынэу ахэм къаIэкIахьэрэр. Мы мылъкур ипотекэм, ащ хэхьэ фэгъэкIотэныгъэ зиIэри, ипщыныжьын пэIубгъэхьан плъэкIыщт. Унэгъо мин 70-рэ фэдизмэ мыр къызфагъэфедэгъах.

«Единэ Россием» иIэпыIэгъукIэ илъэси 3-м ще­гъэжьагъэу 7-м нэс, 8-м щыублагъэу 17-м нэс зыныбжь кIэлэцIыкIухэм ахъщэ IэпыIэгъу аIукIэным ипроект дырагъэштагъ. Аужырэр мы илъэсым бэдзэогъум и 1-м щегъэ­жьагъэу аратызэ ашIыщт. Унагъохэм ащ фэдэ Iэпы­Iэгъу зэрящыкIагъэр къы­Iуагъ Урысыем и Президентэу Владимир Путиным. Ар гъэцэкIэгъэным фэшI ищыкIэгъэ зэхъокIыныгъэ­хэр хэбзэгъэуцугъэм фа­шIыгъэх. Джы зизакъоу сабый зыпIухэрэм уры­псэункIэ ахъщэ анахь ма­кIэу шъолъырым щагъэнэфагъэм ызыныкъом къыщымыкIэу къаIукIэзэ ашIыщт, ар кIэлэцIыкIу пэпчъ телъытагъ.

Сабый къызфэхъунэу ежэрэ бзылъфыгъэхэу щы­Iэныгъэм чIыпIэ къин ригъэуцуагъэхэм IэпыIэгъоу аратырэми нахь зиушъомбгъугъ. Бэдзэогъум и 1-м щегъэжьагъэу учетым жьэу хэуцуагъэхэм мазэ къэс сомэ 6350-рэ къаратыщт. «Единэ Россием» зэхищэгъэ социальнэ онлайн-форумым ар къы-ща­Iогъагъ, нэужым а гу­хэлъым дыригъэштагъ УФ-м и Президент.

IофшIапIэ зимыIэ ны-тыхэм ясабыйхэм мазэ къэс къаIукIэрэ ахъщэ анахь макIэри фэдитIукIэ нахьыбэ ашIыгъ, сомэ 3375-рэ хъущтыгъэмэ, джы 6750-м нэсыгъ. Джащ фэ­дэу декретым щысызэ зиIофшIэпIэ чIыпIэ чIэзынагъэхэм тын анахь макIэу къаIукIэщтми хэпшIыкIэу хэхъуагъ, джы ар сомэ мин 13,5-м ехъу.

ЦIыфхэм яфитыныгъэхэр къэухъумэгъэнхэм фы­тегъэпсыхьэгъэ систе­мэу щыIэр нахьышIу шIыгъэным «Единэ Россием» профильнэ министерствэ­хэр ыкIи ведомствэхэр игъусэхэу дэлэжьагъэх. Хэбзэгъэуцугъэм къы­зэ­ригъэнафэрэмкIэ, чIы­фэ зытелъым ипенсие ыкIи илэжьапкIэ процент 50 нахьыбэ хаубытыкIын фитхэп. Джащ фэдэу сэ­къатныгъэ зиIэхэр, зы­ныбжь хэкIотагъэхэр социальнэу къэухъумэгъэнхэм партием ынаIэ тыригъэтыгъ, ащкIэ къыдэхъугъэри бэ.

Партием игукъэкIыкIэ хэбзэгъэуцугъэхэм зэхъо­кIыныгъэу, хэгъэхъонэу афашIыгъэхэм, законопроектэу аштагъэхэм яшIо­гъэ­шхо къызэрэкIуагъэр щыIэныгъэм къыгъэлъэгъуагъ. А IофшIэныр тапэкIи лъагъэкIотэнэу агъэнафэ.